Yaatra....



Pata nahi koun se nakshatra mein janam liye tha usne, jo kisi ke prem ko paane ki laalsa uske dil se jaa hi nahi rahi hai....kucch ajeeb mail hai in grahon ka shaayad...kucch maaloom nahi....koi kah nahi sakta...

Itni jhaad sunne ke baad gaai doodh dena band kar de,panchhi ghosle chhod ke bhaag jaaen aur phir kabhi na lautein, raat aisi ho jaise ab kabhi subah na hogi, imaaratein gir jaaen, zameen phat jaae, aur ped bijli girne se raakh ho jaaen....lag raha tha jaise ab zindagi khatm hone pe aa gayi hai.....sab ab hamesha ke liye khatm ho jaaega....paraspar abhimaan sab nasht kar dega....magar nahiin....Sakht ka nirmaan shuru ho raha tha kahiin....

Mahina bhar aise hi virah bairaag mein kaata...naa daadhi banaai....na kucch khaane peene ka hosh rakha...kacchi neend soi...aur aadhi raat jaage....bechain the....khabar sunne ke baad to do din tez bukhaar bhi chaddh aaya tha...kahiin man nahiin lag raha tha...na is safed barf mein,naa in oonche pedon ke hulaste patton mein...use to us khoobsurat thande laal suraj ki raushni se bhi nafrat si hone lagi thi..jami hui jheel ki safedi bhi jami jami si thii...use andhera accha lag raha tha...ekaant maar raha tha uskoo..dheeme hi sahi...magar mar raha tha Sakht.....lag raha tha ki kaash koi use bas ghante bhar ke liye uske saamne pahuncha de....is marz ki bas yahii ek dawaa hai shaayad....kisi ko muskuraata dekhna chaahta tha sakht-jaani....bhale hi palak jhapakne bhar hi sahi...


uske dimaag mein ek cheez atak si gayi thi...gham ke nashe mein choor usne kisi ko shaayad kahte suna tha kabhi...''Sakht, mat piya karo...Mujhe nashediyon se nafrat hai''....kahte hain ki nasha har ghaav ke dard ko ghol leta hai khud mein....socha usne shaayad waapas sharaab use khushi ke sarovar mein dubki hi dila sake...uske naye videshi doston ne bhi bahut koshish ki use uska gham bhulaane ki sharaab pilaakar....magar is baar sakht ne na jaane kyoon sharaab ko naa choone ki thaan li thi....kyoonki use devdas mukharjee ka kirdaar pasand nahi aaya tha kabhi....ye 'Devdas' apni paaro ki baat sunta tha..chaahe paaro uski kabhi nahii hui phir bhi....aur zimmedaariyon se bhi to itna lada pada hai ki khud ki zindagi tabaah nahi kar sakta...badi duvidha thi...aur koi na teemaardaari ko tha, na koi gham baanTne waala...Sakht akela aahein bhar raha tha....ektarfa Prem ki rakt ranjit kalam se apne bhaagya ko likhta, apne bhavishya ko banaane nikal pada tha wo...kyoonki Sakht jaani ka to nirmaan hi dukh se utpanna kaThorta se hua hai....kaarya utpaadak hona tha,aur path visham...


Thaan liya usne ki ab chaahe jeewan bhar bharat bhoomi se door rahna pade, apne sage sambandhiyon se alag thalag, apne doston se faarig, chaahe aage ka saara safar apne logon se milon door hoke taii karna pade....ab sakht tabhi lautega jab wo apni ek chhoti si pratigya poori kar lega....

pratigya seedhi saral si thi....

''Yaa to main use apne aap se pyaar karwaane mein safal rahunga, ya to kabhi aisa prem nahi karoonga....Agar use lagta hai ki main ek aawaara aashiq hoon to yahi sahi..ab is vichaar drisgti ko hi badal daalne ki thaan li...ab sakht jaani ek aisa badlaav laane ki thaani , aisi oonchai pe le jaane ka pran kiya, jahaan se saari duniya ko nazar aa sake wo, saari duniya uska gungaan kare, maaen aise putra ki kaamna karein, bahne aisa bhaai maangein, Pitaon ka seena aise putra ko dekhte hi 'do haath' aur chouda ho jaae, kanyaaen aise var ko paane ki mannatein rakhein, log jiski prashansa mukt kantha se karein...uspar bharosa,uspar vishwaas ho sabko....aisa banaa kar dam lega use sakht jaani....

Ab sakht ne nirakaran ki prapti ke liye prashn ka vishleshan kar liya tha....baaki tha to ab ek Uttaravali ki vishisht suchi ka nirmaan, jiski shabd prati shabd karyaanvit hone se wo yash , dhan, samriddhi aur aishwarya ko praapt kar sake....


jeet ek pankti mein uska intezaar kar rahi thi....ek ke baad ek....badhna shuru kiya usne....jaanta hi andar hi andar....''subah hone se to eeshwar bhi nahi rok sakta''...raat thodi lambi hi sahi...

Ye bhram man mein baitha liya hai usne ki ab duniya jeetne par eeshwar ko use uski premika deni hi hogi....Agar premika ke roop mein nahin to putri ke roop mein hi sahi, aur nahiin to poti banaakar hi, magar bhagwaan ko ab uske bhaagya mein uska ka hona likhna hi hoga....badle mein jo eeshwar usse chaahta hai, wo sab dega....apne logon ko sukh, aishwarya,santushti aur suraksha dega sakht-jaani....

aage ki kahaani....agli kadi mein....kramashah!

Aapka Apna,
SakhtJaani

Comments

  1. u really really SUCK!!!!! N believe me u r good at it.. the only thing u r good at ..

    ReplyDelete
  2. I know that Tanvi....but Galti se you were not supposed to read it!!

    ID tracker says so.....

    ReplyDelete
  3. well i cudnt stop myself from writing this comment...dont accept it..it is just for u to read...

    ye sab pehle bhi padha hua lag raha hai...u sent me this...
    tab maine kaha tha..this is not an end...but a beginning...n this is it...

    ek bahut achha quote hai...
    adversity cause men to break...some break themselves n some break things...well ye kuch destructive meaning ka tha...tum gusse se cheeze to nai todte par you bounced back...

    i wish tumme hamesha hi itna dum ho aur yahi josh ho ki tum apni pratigya puri kar sako...

    a door is always used twice...one time to leave n one to enter..!!

    ReplyDelete
  4. ya..rite.ID tracker..but a stupid one..stop hallucinating abt Tanvi..its not her dude!!now u suck at "ID tracking" also..

    ReplyDelete
  5. Agreed and accepted....but tera problem kya hai bhaai?? mere peeche kyoon laga hua hai tu??

    ReplyDelete
  6. I know you reached home.....Id Tracker goes wrong again....:P

    ReplyDelete

Post a Comment

Popular posts from this blog

"Takers eat well....Givers sleep well."

Main Chaand se Baatein karta hoon